By Von Cofie
Di Uefa Champions League quarter-finals draw go serve some ogbonge games.
Di one wey dey evri body eye na di game wey involve defending champions Manchester City and Spanish giants Real Madrid.
Dis na di outcome of di draw wey hold for Uefa Headquarters for Nyon, Switzerland.
Na former Super Eagles player and ex-Chelsea midfielder John Mikel Obi do di draws.
Di Champions League quarter-finals first legs go hold 9 and 10 April while di second legs go happun on 16 and 17 April.
Champions League quarter-final draw
Arsenal (England) vs Bayern Munich (Germany)
Atletico Madrid (Spain) vs Borussia Dortmund (Germany)
Real Madrid (Spain) vs Manchester City (England)
Paris St-Germain (France) vs Barcelona (Spain)
Which teams dey Europa League quarter-finals?
AC Milan (Italy) or Slavia Prague (Czech Republic) (4-2 after first leg)
Benfica (Portugal) or Rangers (Scotland) (2-2 after first leg)
Freiburg (Germany) or West Ham (England) (1-0 after first leg)
Marseille (France) or Villarreal (Spain) (4-0 after first leg)
Qarabag (Azerbaijan) or Bayer Leverkusen (Germany) (2-2 afta first leg)
Roma (Italy) or Brighton (England) (4-0 afta first leg)
Sparta Prague (Czech Republic) or Liverpool (1-5 after first leg)
Sporting Lisbon (Portugal) or Atalanta (Italy) (1-1 afta first leg)
Wen di Champions League matches go take place?
Dem go play di quarter-final first legs for 9-10 April, di second legs na 16-17 April.
And di first legs of di semi-finals go hold on 30 April and 1 May, wit di second legs a week later on 7-8 May.
Wen and where be di Europa League final?
Di 2023-24 Europa League final go take place for di Dublin Arena for Republic of Ireland on Wednesday, 22 May.
And di winners go gain a place for di league phase of di 2024-25 Champions League, if dem no qualify via dia domestic competition.
Wen and where be di Europa Conference League final?
Di 2023-24 Europa Conference League final go take place for AEK Arena for Athens, Greece, on Wednesday, 29 May.
Di winners go earn a spot for di league phase of di 2024-25 Europa League, if dem no qualify for the Champions League from dia domestic league.
